ԵՐԵՎԱՆ, 20 հուլիսի - Sputnik. Հոլիվուդյան դիզայներ, Քարդաշյան ընտանիքի դիմահարդար Հրուշ Աճեմյանը նշում է ծննդյան 33-րդ տարեդարձը։ Նա սիրելիի հետ նոր լուսանկար է հրապարակել Instagram-ում և աղոթքի խոսքեր գրել։
«Տար մեզ այնտեղ, որտեղ մենք անվտանգ կլինենք, առաջնորդիր մեզ քո ողորմածությամբ»,- գրել է նա:
Լուսանկարի մեկնաբանությունների բաժնում հարյուրավոր երկրպագուներ շնորհավորել են Հրուշին, իսկ մտերիմների շնորհավորանքները նա հրապարակել է միկրոբլոգի սթորի բաժնում։
«Ծնունդդ շնորհավոր, հիասքանչ հայուհի», «տաղանդավոր ու գեղեցիկ, երջանիկ ապրիր», – գրել են ընկերները:
Շնորհավորողների թվում են նաև երգիչ R Mean-ը, երգիծաբան Մերի Բասմաջյանը, դիմահարդար Էլիզաբեթ Սերոբյանը և Քիմ Քարդաշյանը։
«Ես սիրում եմ քեզ։ Ծնունդդ շնորհավոր»,- գրել է Քիմը և Հրուշի հետ երկու լուսանկար հրապարակել։
Նշենք, որ Հրուշ (Հրանուշ) Աճեմյանը ծնվել է Խորհրդային Հայաստանում։ ԽՍՀՄ–ի փլուզումից հետո, երբ նա 5 տարեկան է եղել, ընտանիքը տեղափոխվել է ԱՄՆ։ Այսօր Աճեմյանը Հոլիվուդում հայտնի դիմահարդար է, զբաղվում է նաև հագուստի մոդելավորմամբ։
Քիմ Քարդաշյանը վրացի դիզայների սեքսուալ զգեստ է հագել. օգտատերերի կարծիքները տարբեր են