ԵՐԵՎԱՆ, 20 հուլիսի - Sputnik. Ադրբեջանի հետ վերջին սրացումների ֆոնին ՀՀ որոշ քաղաքացիներ առաջարկել են Մոսկվայում ու Ռուսաստանի տարածքում զանգվածային ակցիաներ անցկացնել, սակայն ՌԻԱ Նովոստիի հետ զրույցում Ռուսաստանում Հայաստանի դեսպան Վարդան Տողանյանն ասել է, որ Հայաստանի դեսպանատունը կոչ է արել հայրենակիցներին չանել դա։
Ջրոցի, քոչարի ու հայկական ծիրան. հայերը կրկին քեֆ են կազմակերպել Մոսկվայում. տեսանյութ
Նա պարզաբանել է, որ վերջին օրերին «Ադրբեջանի դեսպանատան մոտ հանրահավաքներից» ու «Ֆուդ սիթի» մթերային շուկայում տեղի ունեցած միջադեպից հետո մեր քաղաքացիները դեսպանատուն են դիմել. նրանք ակցիաներ են ծրագրել։
Նա ավելացրել է, որ դեսպանատունը «միանգամից ազդանշան է տվել հայրենակիցներին, որ պետք է աշխատել հանուն խաղաղության, ոչ թե հակառակը»։
Նրա խոսքով՝ դեսպանատունը ոչ միայն նման հայտարարություն է արել, այլև հանդիպումներ ու հեռախոսազրույցներ է կազմակերպել։
«Մենք շփվել ենք տարբեր հասարակական կազմակերպությունների, քաղաքացիների հետ։ Մեր խնդիրն էր ևս մեկ անգամ ընդգծել իրավական շրջանակում գտնվելու, Ռուսաստանի օրենսդրությանը և այդ թվում նաև սանիտարահամաճարակաբանական պահանջներին հետևելու կարևորությունը։ Մենք կտրականապես դեմ ենք երթերին ու հավաքներին, մենք պահանջել ենք հավաքվածներից մնալ իրավական նորմերի սահմաններում»,- ասել է ՀՀ դեսպանը։
Հիշեցնենք` Մոսկվայի մեծածախ շուկաներից մեկից՝ «Ֆուդ սիթի» գյուղմթերքի շուկայից, հուլիսի 18–ի կեսգիշերին հանել էին հայկական ապրանքներով բեռնված բեռնատարները։ Խնդիրն այն է, որ շուկան պատկանում է ծագումով ադրբեջանցի գործարարներ Գոդ Նիսանովին և Զարահ Իլիևին: Սակայն ինչպես ՌԴ–ում Հայաստանի դեսպանությունը, այնպես էլ ԲՀԿ ղեկավար Գագիկ Ծառուկյանը, «Տաշիր» ընկերությունների տնօրեն Սամվել Կարապետյանը և այլք արագ խնդիրը լուծեցին` բեռնատարներին տեղ տրամադրելով այլ շուկաներում։
Հայ առաքելական եկեղեցին գնել էր 8.5 տոննա հայկական ծիրան ու դեղձ Վարդավառի (Քրիստոսի պայծառակերպություն) տոնին մարդկանց անվճար բաժանելու համար։
«Ծիրանային պատերազմ» Մոսկվայում. հայերը գնում են ադրբեջանցիների շուկայից վտարած ողջ ծիրանը