ԵՐԵՎԱՆ, 20 հուլիսի — Sputnik. Դատախազության և Կոռուպցիայի կանխարգելման հանձնաժողովի գործակցության շրջանակներում բարեվարքության ստուգման արդյունքում հարուցվել է առաջին քրեական գործը: Տեղեկությունը հայտնում է ՀՀ գլխավոր դատախազությունը:
Քրեական գործը հարուցվել է դատախազություն ներկայացրած կեղծ փաստաթղթերի փաստով:
Այսպես, ՀՀ գլխավոր դատախազությունը հայտարարել էր «Ապօրինի ծագում ունեցող գույքի բռնագանձման մասին» օրենքով նախատեսված գործառույթներ իրականացնող դատախազների բաց մրցույթ: Մրցույթին մասնակցելու հայտ ներկայացրած թեկնածուներից մեկի ներկայացրած փաստաթղթերը կասկած են հարուցել կազմակերպիչների մոտ:
Ի թիվս փաստաթղթերի՝ տվյալ անձը ներկայացրել էր նաև 2017-2019թթ.-ին մի ՍՊԸ-ում որպես իրավաբան աշխատած լինելու մասին տեղեկանք։ Իսկ երբ նրանից լրացուցիչ փաստաթղթեր էին պահանջել, նա ներկայացրել էր նաև ՊԵԿ-ից տրամադրված մեկ այլ փաստաթուղթ:
Բայց ՀՀ Կոռուպցիայի կանխարգելման հանձնաժողովի կողմից մրցույթներն անցկացնող ՀՀ գլխավոր դատախազին առընթեր որակավորման հանձնաժողովն ուսումնասիրել է տվյալ դիմորդի՝ նշած ՍՊԸ-ում աշխատանքային գործունեության փաստը, նրա ներկայացրած այդ տվյալները չեն հաստատվել:
ՀՀ գլխավոր դատախազի տեղակալն էլ ներկայացրած փաստաթղթերն ուղարկվել է ոստիկանություն:
Չնայած պայքարի առաջընթացին՝ կոռուպցիան մեր իրականությունից չի վերացել. Հարությունյան
ՀՀ ոստիկանության քրեական ոստիկանության գլխավոր վարչության կոռուպցիոն և տնտեսական հանցագործությունների դեմ պայքարի վարչությունում նախապատրաստված նյութերով պարզվել է, որ քաղաքացին բաց մրցույթին մասնակցելու համար պարտադիր պայման հանդիսացող՝ առնվազն 2 տարվա իրավաբանի մասնագիտական աշխատանքային փորձը հավաստող փաստաթղթեր ներկայացնելու համար ՍՊԸ-ի տնօրենին դրդել է կազմել և իրեն տրամադրել կեղծ փաստաթղթեր, ապա նաև նույն կեղծ տվյալները ՍՊԸ-ն տրամադրել է ՊԵԿ-ին:
ԱՄՆ–ն կօգնի Հայաստանին պայքարել կոռուպցիայի դեմ. Պետդեպը հատուկ խորհրդական կվարձի
Պաշտոնական փաստաթուղթ կեղծելու և օգտագործելու, ինչպես նաև այն կեղծելուն դրդելու առերևույթ հանցագործությունների հատկանիշներ պարունակող տվյալներով նշված դեպքի առթիվ հարուցվել է քրեական գործ՝ ՀՀ քրեական օրենսգրքի 325-րդ հոդվածի 1-ին մասով և 38-325-րդ հոդվածի 1-ին մասով:
Նախաքննություն կատարելու համար քրեական գործն ուղարկվել է ՀՀ քննչական կոմիտե: