ԵՐԵՎԱՆ, 18 հուլիսի - Sputnik.ՀՀ քննչական կոմիտեն տեղեկացնում է, որ Հայաստանում ժամկետային զինծառայող Ալիկ Մանուկյանի մահվան դեպքի առթիվ հարուցվել է քրեական գործ։
«Այսօր, ժամը 14:00-ի սահմաններում, ՀՀ ՊՆ N զորամասի պատասխանատվության տարածքում հայտնաբերվել է Ալիկ Մանուկյանը` գլխի շրջանում ստացած հրազենային վնասվածքով»,–նշված է ՔԿ հաղորդագրության մեջ։
Դեպքի առթիվ ՀՀ քննչական կոմիտեի զինվորական քննչական գլխավոր վարչության վեցերորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 360.1-րդ հոդվածի (զինծառայողին անզգուշությամբ ինքնասպանության հասցնելը) 1-ին մասով նախատեսված հանցագործության հատկանիշներով:
Կատարվում է նախաքննություն:
Հիշեցնենք, որ Ալիկ Մանուկյանը ծնվել է 2000 թվականին, իսկ ծառայության է մեկնել 2019–ի 1–ին զորակոչին` Վայոց Ձորի զինկոմիսարիատից։