ԵՐԵՎԱՆ, 18 հուլիսի - Sputnik. Հուլիսի 18-ից Հայաստանից դեպի Մոսկվա (մասնավորապես՝ «Ֆուդ Սիթի» կենտրոնի ուղղությամբ) շարժվող բեռնատարները կարող են անվճար պայմաններով կայանել «Роктон» պահեստավորման բազայի տարածքում, ինչպես նաև արտադրական-պահեստավորման «БММ» կենտրոնի տարածքում։ Տեղեկությունը հայտնում է Ռուսաստանում Հայաստանի դեսպանությունը։
Նշվում է, որ տեղում ապահովված են բոլոր անհրաժեշտ պայմանները:
Ծառուկյանը ծիրանով բեռնատարներին կայանատեղի է տրամադրել Սանկտ Պետերբուրգում
Այս օրերին առևտրային գործունեության կազմակերպման, ապրանքների իրացման հնարավորություններ ստեղծված են մեծածախ առևտրի «Бухта», «Шелковый путь» կենտրոններում, ինչպես նաև Տուլա քաղաքի առևտրի կենտրոնում:
«Միաժամանակ կոչ ենք անում ներմուծող ընկերությունների բեռնատարների վարորդներին չուղևորվել «Ֆուդ սիթի» կենտրոն և օգտվել նշված առաջարկներից»,–նշված է Facebook–ի էջում տարածած հաղորդագրության մեջ։
Դեսպանությունում գործում է հետևյալ «Թեժ գծի» հեռախոսահամարը՝ + 7 (966) 118-89-84։
Հիշեցնենք` Մոսկվայի մեծածախ շուկաներից մեկից՝ «Ֆուդ Սիթի» գյուղմթերքի շուկայից, կեսգիշերին հանել էին հայկական ապրանքներով բեռնված բեռնատարները։ Խնդիրն այն է, որ շուկան պատկանում է ծագումով ադրբեջանցի գործարարներ Գոդ Նիսանովին և Զարահ Իլիևին:
Նման «կոնտր» քայլը պայմանավորված էր այս օրերին հայ–ադրբեջանական սահմանին ընթացող մարտերով։ Իրավիճակին միջամտել էր նաև ՌԴ–ում հայերի միության նախագահ Արա Աբրահամյանը։
Վաղ առավոտից Ռուսաստանում ապրող հայերը, կտրելով տասնյակ կիլոմետրեր, գնում են բեռնատարների կայանատեղի և ծիրան գնում։ Արդեն իսկ մի քանի բեռնատար ծիրան է վաճառվել։
Ավելի ուշ ՀՀ էկոնոմիկայի նախարարության մամուլի խոսնակ Աննա Օհանյանը տեղեկացրեց, որ Մոսկվայում հայկական ծիրանի վաճառքի խնդիրների հետ կապված` հայկական գյուղմթերքով բեռնված բեռնատարներին առաջարկում են ապրանքը տեղափոխել երկու իրացման կետեր` «Шёлковый Путь» և «Бухта» առևտրի կենտրոններ։
Լուծումը գտնվեց. ադրբեջանցիների շուկայից վտարած ծիրանը կարող են այլ շուկաներ տանել