ԵՐԵՎԱՆ, 16 հուլիսի – Sputnik. Ահազանգ է ստացվել «Մեգամոլ Արմենիա» առևտրի կենտրոնում ռումբի առկայության մասին։ Ինչպես տեղեկացնում են ՀՀ ԱԻՆ մամուլի կենտրոնից, ահազանգը Ճգնաժամային կառավարման ազգային կենտրոն ստացվել է հուլիսի 16-ին, ժամը 11։31-ին։
Երևանի «Կապույտ մզկիթում» ռումբի տեղադրման մասին ահազանգ է ստացվել
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Հրդեհաշիջման և փրկարարական աշխատանքների կազմակերպման բաժնի օպերատիվ խումբը, քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական ջոկատը, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Փրկարարների, ոստիկանության և անվտանգության աշխատակիցների համատեղ ուժերով տարհանվել է 1800 քաղաքացի։