ԵՐԵՎԱՆ, 14 հուլիսի - Sputnik.Sputnik Արմենիայի տեղեկություններով՝ պլաստիկ վիրաբույժ, «Women’s Сlub»-ի մասնակից Սիրուն Մինասը մայրիկ է դարձել, ծնվել է նրա առաջնեկը։
Զույգը հետևորդներին դեռ չի հայտնել լավ լուրը, սակայն ժամեր առաջ Սիրուն Մինասը Instagram-ի իր էջի սթորի բաժնում Աստվածաշնչից տողեր է հրապարակել։
«Աստված սիրում է մեզ այնպես, ինչպես հայրն իր զավակներին»,- գրել է նա։ Սիրունի սթորիում հայտնվել է նաև գործընկերների շնորհավորանքն ու ուրախ պարը։
Անհավանական գեղեցկություն․ սևամորթ հայ բժշկուհի ու շոուվուման Սիրուն Մինասը հղի է
Հիշեցնենք, որ Սիրուն Մինասը և Ռաֆայել Վարդանյանն ամուսնացել են 2018 թվականի հունիսին։ Ավելի վաղ Սիրունը նշել է, որ չի ցանկանում վաղաժամ պարզել երեխայի սեռը, ուստի աղջիկ կծնվի, թե տղա, կիմանան երեխայի լույս աշխարհ գալու օրը։ Ամեն դեպքում զույգը երկու սեռի համար էլ անվան տարբերակներ է առանձնացրել:
Հավելենք, որ նորաթուխ մայրիկը դեռ հեռախոսազանգերի չի պատասխանում. առաջիկայում նոր մանրամասներ կներկայացնենք։
Երեխայի ծնվելուց 9 օր անց Գոհար Ավետիսյանը նիհարել է 13 կգ-ով․ տեսանյութ