ԵՐԵՎԱՆ, 12 հուլիսի – Sputnik. Աշխարհում առաջին պատվաստանյութը կորոնավիրուսի դեմ հաջողությամբ փորձարկվել է կամավորների վրա։ Այդ մասին ՌԻԱ Նովոստիին հայտնել է Սեչենովի համալսարանի տրանսլյացիոն բժշկության և բիոտեխնոլոգիաների ինստիտուտի տնօրեն Վադիմ Տարասովը։
Նրա խոսքով՝ կամավորների առաջին խումբը դուրս կգրվի արդեն չորեքշաբթի՝ հուլիսի 15-ին, երկրորդ խումբը՝ հուլիսի 20-ին։
«Սեչենովի համալսարանն հաջողությամբ ավարտել է կորոնավիրուսի դեմ աշխարհում առաջին պատվաստանյութի փորձարկումը կամավորների վրա»,-պատմել է Տարասովը։
Ինչպես նշել է Սեչենովի համալսարանի բժշկական մակաբուծաբանության, տրոպիկական և տրանսմիսսիվ հիվանդությունների ինստիտուտի տնօրեն Ալեքսանդր Լուկաշևը՝ գլխավոր խնդիրը մարդու համար պատվաստանյութի անվտանգությունը ցույց տալն էր, ինչը և արել են։
«Դեղերն արդեն կիրառում ենք, իսկ պատվաստանյութ գնելու համար քայլեր կսկսենք անել». Թորոսյան
Լուկաշևն ընդգծել է, որ կամավորներին բաժանել են երկու խմբի, առաջին խումբը պատվաստանյութի մեկ չափաբաժին է ստացել, երկրորդը՝ երկու։ Պատավաստանյութի ներարկմանը հաջորդած մի քանի օրվա ընթացքում կամավորների մոտ որևէ բացասական ռեակցիա չի նկատվել, բացի մարմնի ջերմաստիճանի բարձրացումից, նրանք բոլորն իրենց հիանալի են զգում։
Ռուսական պատվաստանյութը հետաքրքրել է ԱՀԿ-ին
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել էր համավարակ։ Կազմակերպությունը բոլոր պետություններին կոչ էր արել միանալ վարակի դեմ ակտիվ պայքարին։