ԵՐԵՎԱՆ, 8 հուլիսի – Sputnik. Արմավիրի մարզում` Էջմիածին-Մարգարա ավտոճանապարհի 6-րդ կմ հատվածում, ողբերգական ավտովթար է տեղի ունեցել։ Shamshyan.com–ը հայտնում է, որ Գրիբոյեդով գյուղի վարչական տարածքում բախվել են Արմավիրի մարզի բնակիչներ, 57-ամյա Արթուր Հարությունյանի վարած «ВАЗ-2106» մակնիշի և 40-ամյա Ռազմիկ Գալստյանի վարած «Mercedes» մակնիշի ավտոմեքենաները:
Բախման հետևանքով «Mercedes»-ը դուրս է եկել հանդիպակաց երթևեկելի գոտի, մի քանի պտույտ շրջվել է ու գլխիվայր հայտնվել ձորակում:
Վթարի հետևանքով վարորդ Ռ. Գալստյանը, ուղևոր, Արմավիրի մարզի բնակիչ, 55-ամյա Արմենուհի Գևորգյանը մահացել են, իսկ մյուս ուղևորը` Արմավիրի մարզի բնակիչ, 54-ամյա Սոֆիկ Գալստյանը, ծայրահեղ ծանր ախտորոշմամբ տեղափոխվել է Վաղարշապատի բժշկական կենտրոն:
Մոսկվայում վթարից մահացել է հայազգի հայտնի բանկիրի 23-ամյա որդին
Քննիչի հանձնարարականով ավտոմեքենաները տեղափոխվել են ոստիկանության Վաղարշապատի բաժնի պահպանվող հատուկ տարածք:
«Փեթակի» խաչմերուկում վթար է եղել. տուժածները 17 և 18–ամյա երիտասարդներ են