ԵՐԵՎԱՆ, 7 հուլիսի — Sputnik. Աշխարհում կորոնավիրուսի հայտնաբերված դեպքերի թիվը հատել է 11,7 մլն-ի սահմանը: Worldometer կայքի՝ հուլիսի 7-ի տվյալներով՝ աշխարհում կորոնավիրուսով վարակվածների թիվը 11 741 256 է։
Համավարակի զոհ է դարձել 540 680 մարդ։
Վարակի տարածման տեմպով առաջատար երկրների ցանկը մի փոքր փոխվել է։ Այժմ «առաջատարների» եռյակում են ԱՄՆ–ն, Բրազիլիան և Հնդկաստանը։
ԱՄՆ-ում կորոնավիրուս է հայտնաբերվել 3 040 833 մարդու մոտ։ Մահացել է 132 973 վարակակիր։
Երկրորդ տեղում Բրազիլիան է, որտեղ հայտնաբերված դեպքերի թիվը հասել է 1 626 071-ի, մահացել են 65 556-ը։
«Հակավարկանիշային սանդղակի» երրորդ հորիզոնականը զբաղեցնում է Հնդկաստանը։ Այստեղ կորոնավիրուս է ախտորոշվել
720 346 մարդու մոտ։ Մահերի թիվը 20 174 է:
Կորոնավիրուսային սկանդալ․ Ջեններ քույրերը ժխտել են աշխատակիցների շահագործման մասին լուրերը
Առաջին տասնյակում են նաև Հնդկաստանը, Պերուն, Իսպանիան, Չիլին, Մեծ Բրիտանիան, Մեքսիկան, Իտալիան։
Չինաստանը, որտեղ անցած տարի առաջին անգամ գրանցվել էր COVID-19-ի բռնկումը, 22-րդ հորիզոնականում է։
Հայաստանը կորոնավիրուսի տարածման ցուցանիշներով 50-րդ տեղում է։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19-ի բռնկումը հայտարարել է համավարակ։ Կազմակերպությունը բոլոր երկրներին կոչ է արել միանալ վարակի դեմ ակտիվ պայքարին։
Մահճակալային ֆոնդը ծանրաբեռնված է. Թորոսյանը խոսեց ծանր ու ծայրահեղ ծանր հիվանդների մասին