ԵՐԵՎԱՆ, 5 հուլիսի - Sputnik. Ապարան-Վարդենիս ավտոճանապարհին «ԳԱԶել» է կողաշրջվել։ Կա տուժած։ Տեղեկությունը հայտնում է ՀՀ ԱԻՆ մամուլի ծառայությունը։
Ըստ հաղորդագրության` Ճգնաժամային կառավարման ազգային կենտրոնում ահազանգը ստացել են այսօր` հուլիսի 5-ին, ժամը 07:49-ին։
Դեպքի վայր է մեկնել ԱԻՆ ՓԾ Արագածոտնի մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
«Պարզվել է, որ Ապարան-Վարդենիս ավտոճանապարհի 8-րդ կմ-ին «ԳԱԶել» մակնիշի ավտոմեքենան (վարորդ՝ Հարութ Հ․, ծնված 1961 թ․) դուրս է եկել ճանապարհի երթևեկելի հատվածից, բախվել պատին և կողաշրջվել»,–նշվում է հաղորդագրության մեջ։
Մինչ փրկարարների՝ կանչի վայր հասնելը վարորդը տեղի ուժերով հոսպիտալացվել է Ապարանի ԲԿ, որտեղ բժիշկները նրա առողջական վիճակը գնահատել են բավարար։
Փրկարարները հոսանքազրկել են ավտոմեքենան և ուղղել։