ԵՐԵՎԱՆ, 2 հուլիսի - Sputnik. ՀՀ ոստիկանությունը նախազգուշացնում է, որ շաբաթ և կիրակի օրերին սովորականից ավելի խիստ վերահսկողություն է սահմանելու։ Ոստիկանության լրատվական ծառայության հաղորդագրության մեջ նշված է, որ հակահամավարակային կանոններին չհետևողները և կարգը խախտողները կենթարկվեն վարչական պատասխանատվության։
«Մոտենում են հանգստյան օրերը, և շատերն են որոշում շաբաթ-կիրակի օրերն անցկացնել ընկերների ու հարազատների հետ, այցելել տեսարժան վայրեր, մասնակցել ուխտագնացությունների կամ քաղաքից դուրս կազմակերպել, այսպես ասած, պիկնիկներ։ Հանգստյան օրերին ոստիկանության կարգախմբերը խստացված արտակարգ ծառայություն են իրականացնելու տեսարժան վայրերում, ուխտատեղիներում, հնարավոր հավաքույթների վայրերում», - գրված է հաղորդագրության մեջ։
Համակարգիչ, գումար ու ոսկյա շղթա. 43-ամյա կինը մեղադրվում է գողության մեջ
Ոստիկանությունը կոչ է անում զերծ մնալ մասսայական միջոցառումներ կազմակերպումից և դրանց մասնակցելուց։
Նշենք, որ ավելի վաղ «Հիվանդությունների վերահսկման և կանխարգելման ազգային կենտրոնի» տնօրեն Արտավազդ Վանյանը հայտնել էր, որ Հայաստանում կորոնավիրուսի տարածման ամենամեծ օջախը համարվում են ուխտագնացությունները։
Ոստիկանները դիմակներ են բաժանում փողոցում և արձանագրություն կազմում. տեսանյութ
Հուլիսի 2-ի դրությամբ Հայաստանում կորոնավիրուսով վարակված է 26 658 մարդ, առողջացել են 15 036–ը, մահացել 459:
Մարտի 16–ից Հայաստանում արտակարգ դրություն է, այն կտևի մինչև հունիսի 13–ը` ժամը 17։00–ն ներառյալ։ Մայիսի 25–ից դիմակ դնելը պարտադիր է, չդնողները տուգանվում են 10 հազար դրամով։