ԵՐԵՎԱՆ, 30 հունիսի — Sputnik. Արտաշատի բժշկական կենտրոնում կորոնավիրուսային հիվանդության դեմ բուժում ստացող 55-ամյա պացիենտը ցած է նետվել հիվանդասենյակի պատուհանից։ Facebook սոցցանցի իր էջում լուրը հայտնել է ՀՀ առողջապահության նախարարի մամուլի խոսնակ Ալինա Նիկողոսյանը։
«Դեպքի մասին անմիջապես հաղորդում է ուղարկվել իրավապահ մարմիններին: Վերջինս հիվանդանոց ընդունվել է հունիսի 29-ին: Պացիենտն անմիջապես տեղափոխվել է «Սուրբ Գրիգոր Լուսավորիչ» բժշկական կենտրոն` ստորին վերջույթների և ողերի բազմակի կոտրվածքներով»,–գրել է նա:
Նիկողոսյանը հայտնել է նաև, որ կատարվում են անհրաժեշտ հետազոտություններ: 55–ամյա պացիենտը գտնվում է բժիշկների հսկողության տակ և վերջիններիս գնահատմամբ` ծանր վիճակում է:
Կորոնավիրուսի պատճառով կարող ենք հացի խնդիր ունենալ. կառավարությունը լուծում է փնտրում
Sputnik Արմենիայի տեղեկություններով` պատուհանից նետվողը կին է։ Նրա վիճակը եղել է միջին ծանրության, երբ տեղափոխվել է ԲԿ։
Կինը ցած է նետվել երրորդ հարկից։ Դեպքից հետո ականատեսներից մի քանիսը փորձել են զրուցել նրա հետ, սակայն վերջինս ասել է` ապրել չի ուզում։
Լուրեր են շրջանառվում, որ սա նրա ինքնասպանություն գործելու առաջին փորձը չէ։
Հիշեցնենք, որ այսօրվա տվյալներով` Հայաստանում կորոնավիրուսով վարակվածների թիվը 25 542 է։