ԵՐԵՎԱՆ, 30 հունիսի - Sputnik. Այսօր իրականացված չվերթերով ՌԴ տարբեր քաղաքներից հայրենիք են վերադարձել երկու հարյուրից ավելի ՀՀ քաղաքացիներ։ Չվերթերն իրականացրել է «Արմենիա» ավիաընկերությունը: Facebook-ի պաշտոնական էջում լուրը հրապարակել է Դոնի Ռոստովի հայաստանյան գլխավոր հյուպատոսությունը։
Ռուսաստան, Բելառուս, Ուկրաինա. առաջիկա օրերին Երևանից դեպի այս երկրներ թռիչքներ կլինեն
«Միներալնիե Վոդի և Սոչի քաղաքների միջազգային օդանավակայաններից Հայաստան են վերադարձել 248 քաղաքացի։ Բարի գալուստ հայրենիք, սիրելի հայրենակիցներ»,- նշված է հյուպատոսության հաղորդագրության մեջ։
Մինվոդի-Երևան չվերթն իրականացնող ինքնաթիռը «Զվարթնոց» օդանավակայանում վայրէջք է կատարել 14:00-ին, իսկ Սոչի-Երևանը՝ 21:20։
Ավելի վաղ հայտնել էինք, որ ՌԴ-ից Հայաստան իրականացվող չարտերային չվերթերով հայրենիք վերադառնալու ցանկություն հայտնած քաղաքացիների՝ ՌԴ-ում Հայաստանի դեսպանություն ներկայացրած դիմում-հայտերի թիվը հունիսի 1-ի դրությամբ գերազանցել է 16 հազար 340-ը։
Վրաստանը ՌԴ քաղաքացիներին թույլ է տվել իր տարածքով հայրենիք վերադառնալ
Հիշեցնենք՝ վերջին ամիսների ընթացքում Ռուսաստանի տարբեր քաղաքներից դեպի Հայաստան, այսպես կոչված, տարհանման հատուկ չվերթեր են իրականացվել, մասնավորապես՝ Մոսկվայից, Սանկտ Պետերբուրգից, Կրասնոդարից, Սոչիից, Վորոնեժից, Դոնի Ռոստովից։
Պարետի նոր որոշմամբ՝ Հայաստան վերադարձող քաղաքացիներն այլևս չեն մեկուսացվում հյուրանոցներում. նրանց ինքնամեկուսացման պահանջ է ներկայացվում։
100-ից ավելի ռուսաստանցի Հայաստանից հայրենիք է վերադարձել. դեսպանատուն