ԵՐԵՎԱՆ, 29 հունիսի –Sputnik. Եթե սննդակարգում բացակայում են բջջանյութով հարուստ բանջարեղենները, որոնք թույլ չեն տալիս ածխաջրերին կուտակվել մարմնի կողային հատվածներում, անհնար է նիհարել։ Այս մասին սննդաբան Ելենա Սոլոմատինան ասել է «Վեչերնյայա Մոսկվա» թերթին տված հարցազրույցում։
«Հենց բջջանյութն է օրգանիզմից դուրս բերում ճարպը։ Հատկապես այդ առումով օգտակար են կաղամբի բոլոր տեսակները», – ասել է նա։
Նրա խոսքով` կաղամբը տարտրոնային թթու է պարունակում, որը խանգարում է ածխաջրերին ճարպ դառնալ։ Սակայն հակացուցումներ կան վահանաձև գեղձի հիվանդություններով տառապող մարդկանց համար։
Նիհարել ցանկացողները պետք է շատ ջուր խմեն և շատ ջուր պարունակող բանջարեղեն ուտեն։ Օրինակ` վարունգ։
Բանն այն է, որ սննդով հագենալու և ծարավը հագեցնելու կենտրոնները ուղեղում շատ մոտ են գտնվում և փոխկապակցված են։ Երբեմն սովի զգացումն իրականում ազդանշան է ջրի պահանջի վերաբերյալ։
«Նախընտրելի է ջուր խմել կես ժամը մեկ` քիչ–քիչ, այլ ոչ թե հազվադեպ և շատ», – նշել է դիետոլոգը։
Գիտնականները կորոնավիրուսը 25 վայրկյանում ոչնչացնող միջոց են գտել
Սոլոմատինան խորհուրդ է տվել սննդակարգում ներառել կանաչի և բանջարեղեն, որոնք շատ էներգիա են պահանջում մարսվելու համար։ Դրանք հիանալի կօգնեն ազատվել ավելորդ կալորիաներից։
Օրինակ` լոբազգիները հագեցնում են, սակայն միևնույն ժամանակ նվազեցնում արյան մեջ շաքարի մակարդակը։ Դրանցում նաև մեծ քանակությամբ բջջանյութ և բուսական սպիտակուց կա։ Սև և կարմիր պղպեղը, կոճապղպեղը նպաստում են արյան շրջանառությանը և բարձրացնում մարմնի ջերմաստիճանը` խթանելով մարսողությանն ու նյութափոխանակությանը։
Քաղցրի նկատմամբ պահանջը կարելի է մարել` թեյի կամ սուրճի մեջ ավելացնելով դարչին և վանիլ։ Ոչ մեծ քանակի սև շոկոլադ օգտագործելը թույլատրվում է։ Քաղցր ուտելու ցանկությունը կարող են մարել նաև արևածաղիկն ու ընդեղենը։ Նրանք մեծ քանակի մագնիում են պարունակում։
Եթե դուք կարտոֆիլի սիրահար եք, ապա կարող եք այն ուտել խաշած և սառը վիճակում։ Կարտոֆիլը կարելի է փոխարինել ջեռոցում պատրաստված շաղգամով կամ գետնախնձորով։ Ի դեպ, գետնախնձորի օշարակն օգտագործում են դիետիկ խմորեղեն պատրաստելու համար։
Դիետոլոգն առաջարկում է ուտել նաև եգիպտացորեն և ստեպղին։ Տոստերով պատրաստված հացը նախապես պետք է սառեցնել սառցարանում։ Սառցարանից «հետ գալուց» և տաքացնելուց հետո օսլան վերափոխվում է և չի գիրացնի ձեզ։
Մսային ուտեստներից սննդաբանը խորհուրդ է տալիս հավի եփած կրծքամիս, ճագարի միս և ոչ յուղոտ տավարի միս օգտագործել։ Միևնույն ժամանակ օգտակար է ձու և լոլիկ ուտել նախաճաշին։
Ինչ պետք է անեք ջահել ժամանակ, որ հասուն տարիքում վատ չզգաք. գիտնականների 10 խորհուրդները
Նա խորհուրդ է տալիս նիհարել ցանկացողներին ավելի շատ բանջարեղենային ապուրներ օգտագործել։ Դրանք հագեցվածության զգացում են առաջացնում։