ԵՐԵՎԱՆ, 29 հունիսի – Sputnik. Ռուսաստանի նախագահ Վլադիմիր Պուտինը Սահմանադրական փոփոխությունների հանրաքվեին կմասնակցի ընտրատեղամասում։ Ըստ RT–ի` տեղեկությունը հայտնել է ՌԴ նախագահի մամուլի քարտուղար Դմիտրի Պեսկովը։
Ավելի վաղ հայտնի էր դարձել, որ 4 օրվա ընթացքում Սահմանադրական փոփոխությունների հանրաքվեին մասնակցել է ավելի քան 40 մլն ընտրող, ընդհանուր մասնակցությունը կազմել է 37,2%։
«Նախագահն անձամբ է քվեարկելու», – ընդգծել է Պեսկովը։
Արդյոք ՌԴ առաջնորդը ընտրատեղամաս կգնա՞ դիմակով և ձեռնոցով։ Պեսկովի խոսքով` Պուտինը կքվեարկի այնպես, որ չվտանգի իր և մյուսների առողջությունը։
Եկեք գաղտնազերծենք տեղեկությունները. Պուտինը հոդված է գրել Երկրորդ համաշխարհայինի մասին
Հիշեցնենք` Պեսկովն ավելի վաղ հայտնել էր, որ ինքն էլեկտրոնային եղանակով է քվեարկել Սահմանադրական փոփոխությունների համար։
«Մի՛ կանգնեք, խնդրում եմ»․ Պուտինն ու վետերանները` շքերթի ժամանակ
Ռուսաստանի Սահմանադրության բարեփոխումների հանրաքվեն նախատեսվում էր անցկացնել ապրիլի 22-ին, սակայն զանգվածային միջոցառումը հետաձգվեց կորոնավիրուսի համավարակի պատճառով։ Ավելի ուշ նախագահ Վլադիմիր Պուտինը հայտարարեց, որ քվեարկությունը տեղի կունենա հուլիսի 1-ին: Որոշվել էր քվեարկությունն անցկացնել 7 օրվա ընթացքում` հունիսի 25-ից հուլիսի 1-ը։ Մոսկվայում բնակվողներից բացի, առցանց քվեարկությանը կարող են մասնակցել Նիժնի Նովգորոդի մարզի և ևս երկու այլ շրջանների բնակիչները։
Պուտինն ասել է, թե որքան հաճախ է հասցնում շփվել թոռնիկների հետ