ԵՐԵՎԱՆ, 27 հունիսի – Sputnik. Մարդիկ սովոր են ամերիկահայ աստղ Քիմ Քարդաշյանին տեսնել ամենահամարձակ զգեստներով, այդ թվում՝ բիկինիով։
Իսկ նրա գեղեցկուհի քույրերն այդքան էլ հաճախ չեն մերկանում, որքան նրանց հայտնի քույրը։ Սակայն այս ամսվա ընթացքում համացանցում են հայտնվել նաև կիսամերկ Քլոեի ու Քորթնի լուսանկարները։
Քիմ Քարդաշյանի ավագ քույրը՝ 41-ամյա Քորթնին, Instagram-ում լողասգեստով լուսանկար է հրապարակել։ Նա ոսկեգույն բիկինիով նկարվել է օվկիանոսի ափին։
Լուսանկարը դուր է եկել ավելի քան 47 հազար մարդու, օգտատերերը հիացական մեկնաբանություններ են գրել. «Աստվածային ես։ Նա հիասքանչ կազմվածք ունի։ Իսկապես սքանչելի կին է։ Աստվածուհի, մուսա։ Շտապ նման լողազգեստ ու նման սեքսուալ բարեմասնություններ են պետք։ Քիմին ոչնչով չի զիջում»։
«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»
Մի քանի օր առաջ ուկրաինացի լուսանկարիչ Սաշա Սամսոնովան լուսանկարել է նաև Քարդաշյանների կրտսեր քրոջը՝ Քլոեին։ Լուսանկարում նա լողավազանի մոտ է, փակ աչքերով ու ոսկյա զարդերով։
Քլոեն նկարվել է լողազգեստի սեփական ապրանքանիշի գովազդի համար։ Լուսանկարների շարքը հրապարակվել է Instagram-ում։
«Աստված իմ, ինչ կրքոտ ես, Քլոե։ Շքեղ ես։ Գեղեցկուհի։ Ինձ համար էլ եմ այդ լողազգեստից պատվիրել, գժվելու մարմին է»,– լուսանկարները մեկնաբանել են օգտատերերը։
«Կրակի կտոր ես»․ Վրաստանի սեքս խորհրդանիշ Շորենան ցուցադրել է քարդաշյանական կազմվածքը
Գարնանը Սաշա Սամսոնովան լուսանկարել էր նաև Քիմ Քարդաշյանի երրորդ քրոջը՝ միլիարդատեր, սուպերմոդել Քենդալ Ջեներին։ Նա իր գեղեցկությունը ցուցադրել էր արմավենիների ֆոնին և ֆոտոխցիկի առաջ կեցվածք էր ընդունել սպիտակ բիկինիով ու հսկայական գլխարկով։
Հիշեցնենք՝ Քիմ Քարդաշյանը կիսով չափ է հայ։ Նրա հայրն ամերիկահայ փաստաբան Ռոբերտ Քարդաշյանն է, որի նախնիները 1915 թվականի Հայոց ցեղասպանությունից հետո Կալիֆոռնիա են տեղափոխվել Կարսից։
Քարդաշյան-Ուեսթ ընտանիքում ներդաշնակություն է․ Քիմը սրտառուչ լուսանկար է հրապարակել