ԵՐԵՎԱՆ, 27 հունիսի – Sputnik. Եվրոպական ժողովրդական կուսակցությունը (ԵԺԿ) ցավում է, որ ՀՀ Ազգային ժողովն ընդունել է Սահմանադրության փոփոխությունները, որոնցով անհապաղ դադարեցվում է Սահմանադրական դատարանի նախագահի ու ՍԴ ևս երեք դատավորների գործունեությունը։ Կուսակցությունը համապատասխան հայտարարություն է արել Twitter-ի իր էջում։
«ԵԺԿ-ն ցավում է, որ Հայաստանի իշխող մեծամասնությունը քվեարկել է սահմանադրական փոփոխությունների օգտին` ի հեճուկս Վենետիկի այն պնդմանը, որ դա չի համապատասխանում իր հորդորներին», - նշված է հայտարարության մեջ։
ԵԺԿ-ն հույս է հայտնել, որ Հայաստանը բարեփոխումների հարցում կուժեղացնի համագործակցությունը Վենետիկի հանձնաժողովի հետ, կամրապնդի ժողովրդավարական ինստիտուտներն ու դատական իշխանության անկախություն կապահովի ։
Հիշեցնենք` երեկ ուժի մեջ մտավ ԱԺ–ի ընդունած սահմանադրական փոփոխությունների նախագիծը, որով կասեցվում են 12 տարի պաշտոնավարած ՍԴ դատավորների լիազորությունները։ Նույն նախագծով ՍԴ նախագահ Հրայր Թովմասյանը նախագահից դառնում է ՍԴ դատավոր։ Շատերը նախագիծը որակում են օրենքի կոպիտ խախտում, քանի որ այն չի ստորագրել նախագահ Արմեն Սարգսյանը և չի ուղարկվել ՍԴ՝ քննարկելու դրա սահմանադրական լինելը։
ՍԴ–ում դատավորների թափուր տեղերը կլրացվեն 2 ամսվա ընթացքում. ԱԺ հայտարարությունը