ԵՐԵՎԱՆ, 24 հունիսի – Sputnik. ՀՀ պաշտպանության նախարար Դավիթ Տոնոյանը բարձր է գնահատել հայկական պատվիրակության քայլքը։ Տեղեկությունը հայտնում է նախարարի խոսնակ Շուշան Ստեփանյանը։
75 սպա ու զինվոր գնդապետ Աշոտ Հակոբյանի գլխավորությամբ այսօր անցան Մոսկվայի Կարմիր հրապարակով՝ ամբողջ աշխարհին հիշեցնելով Մեծ հաղթանակի գործում հայ ժողովրդի ունեցած դերակատարման մասին, նաև ներկայացնելով ներկայիս հայկական պետության զինված ուժերի պատրաստվածությունը:
Ըստ Ստեփանյանի` Տոնոյանը նշել է, որ մասնակիցներն իրենց խնդիրը կատարեցին պատշաճ մակարդակով:
Հիշեցնենք, որ Հայրենական մեծ պատերազմում տարած հաղթանակի 75-ամյակին նվիրված զորահանդեսը մայիսի 9–ին չանցկացվեց կորոնավիրուսի պատճառով։ Մայիսի 26-ին ՌԴ նախագահ Վլադիմիր Պուտինը հայտարարեց, որ Հաղթանակի օրվան նվիրված տոնական շքերթը կկայանա հունիսի 24–ին։ Տոնոյանը Մոսկվա է մեկնել երեկ։
«Մի՛ կանգնեք, խնդրում եմ»․ Պուտինն ու վետերանները` շքերթի ժամանակ