ԵՐԵՎԱՆ, 23 հունիսի — Sputnik. ՀՀ ԱԺ փոխնախագահ, «Բարգավաճ Հայաստան» խմբակցության անդամ Վահե Էնֆիաջյանը վարակվել է կորոնավիրուսով: Այս մասին նա քիչ առաջ հայտնել է Facebook-ի իր էջում:
«Հարգելի հայրենակիցներ, հանձնել եմ COVID-19-ի թեստ, քիչ առաջ տեղեկացա, որ թեստի պատասխանը դրական է»,- գրել է նա:
Բակերում դիմակ չդնելու համար 10 օրում 1264 քաղաքացու նկատմամբ արձանագրություն է կազմվել
Էնֆիաջյանը նաև հայտնել է, որ ինքնազգացողությունը լավ է, այս պահին որևէ անհանգստացնող գանգատ չունի:
Հիշեցնենք՝ ԱԺ փոխնախագահն անցած շաբաթ ակտիվորեն մասնակցում էր կուսակցության նախագահ Գագիկ Ծառուկյանի շուրջ տեղի ունեցող իրադարձություններին` բողոքի ակցիաներին: Նա նաև հունիսի 17-ին հանդիպում էր ունեցել ՀՀ-ում ՌԴ դեսպան Սերգեյ Կոպիրկինի հետ:
Ոստիկանություն են հրավիրում ԱԱԾ-ի դիմաց մետրերով ինձանից հեռու գտնվող անձանց․ Զոհրաբյան