Շղթայական ավտովթար Երևանի հեռուստաաշտարակի մոտ․ կան տուժածներ և մեկ զոհ

Opel Astra–ի 61–ամյա վարորդին տեղափոխել են «Հերացի» թիվ 1 հիվանդանոցային համալիր, որտեղ նա գիտակցության չգալով՝ մահացել է։
Sputnik

ԵՐԵՎԱՆ, 20 հունիսի – Sputnik. Երեկ` հունիսի 19-ին, ողբերգական վթար է եղել Երևանի հեռուստաաշտարակի մոտ․ կան տուժածներ և մեկ զոհ։ Տեղեկությունը հաղորդում է ԱԻՆ մամուլի ծառայությունը։

Mercedes–ների վթար Երևանում. կան տուժածներ

Ճգնաժամային կառավարման ազգային կենտրոնում ահազանգը ստացվել է ժամը 19։20-ին, դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ։

«Պարզվել է, որ բախվել են «Opel Astra» (վարորդ՝ Մանվել Խ․, ծնված 1959 թ․), «Mercedes Viano» (վարորդ՝ Վարդան Ս․) և «Toyota Camry» (վարորդ՝ Զորիկ Մ․) մակնիշների ավտոմեքենաները»,–ասվում է ԱԻՆ հաղորդագրության մեջ:

Մինչ փրկարարների՝ կանչի վայր հասնելը «Toyota Camry» մակնիշի ավտոմեքենայի ուղևորին տեղի ուժերով դուրս են բերել ավտոմեքենայից և տեղափոխել հիվանդանոց:

Ողբերգական վթար Արարատի մարզում․ «Opel»-ի 47-ամյա վարորդը մահացել է

Փրկարարները «Opel Astra» մակնիշի ավտոմեքենայի վարորդին և ուղևորին դուրս են բերել ավտոմեքենայից և մոտեցրել շտապօգնության մեքենային: Մանվել Խ․-ն հոսպիտալացվել է «Հերացի» թիվ 1 հիվանդանոցային համալիր, որտեղ գիտակցության չգալով՝ մահացել է։

Փրկարարները հոսանքազրկել են ավտոմեքենաները, փակել գազի բալոնների փականները և իրականացրել հովացման աշխատանքներ։

Արմավիրում վթարի հետևանքով մայր ու որդի տեղում մահացել են. այրիացած հարսը 18 տարեկան է