ԵՐԵՎԱՆ, 19 հունիսի – Sputnik. Հայաստանի Հանրապետության նախագահ Արմեն Սարգսյանը նամակ է հղել Ղազախստանի առաջին նախագահ Նուրսուլթան Նազարբաևին, որը վարակվել է նոր կորոնավիրուսով: Տեղեկությունը հայտնում է նախագահի մամուլի ծառայությունը։
«Նախագահը նրան մաղթել է առողջություն և շուտափույթ ապաքինում»,– նշված է հաղորդագրության մեջ:
Հիշեցնենք` Ղազախստանի առաջին նախագահի վարակվելու մասին տեղեկությունը հրապարակվեց երեկ։ Նազարբաևի մամուլի ծառայությունը հայտնել էր, որ նա շարունակում է հեռավար աշխատել ու մեկուսացման մեջ է գտնվում։
«Անհանգստանալու առիթ չկա», - նշված է Ղազախստանի առաջին նախագահի կայքում տեղադրված հաղորդագրության մեջ։
COVID-19-ով վարակված Ղազախստանի բարձրաստիճան պաշտոնյաների շարքում են Ղազախստանի նախագահի մամուլի քարտուղար Բերիկ Ուալիևը, առողջապահության նախարար Ելժան Բիրտանովը, խորհրդարանի խոսնակ Նուրլան Միգմատուլինը։
Կորոնավիրուսի տարածման տեմպերն աշխարհում. Հայաստանը 49-րդն է