ԵՐԵՎԱՆ, 18 հունիսի - Sputnik. Շրջակա միջավայրի նախարարության մամուլի խոսնակ Դավիթ Գրիգորյանը Sputnik Արմենիայի հետ զրույցում տեղեկացրեց, որ Խոսրովի անտառ պետական արգելոցում այսօր բռնկված հրդեհը մեկուսացված է։
«Հրդեհաշիջման աշխատանքներին մասնակցել են արգելոցի ավելի քան 40, ԱԻՆ շուրջ 25, Վայրի բնության և մշակութային արժեքների պահանության հիմնադրամի 5 աշխատակիցներ»,–նշեց Գրիգորյանը։
Նա հայտնեց նաև, որ այս պահին ընթանում են ծխացող օջախների մարման աշխատանքներ. իրավիճակը վերահսկելի է։ Ինչ վերաբերում է հրդեհի հետևանքով անտառի կրած վնասի չափին, ապա դրանք հաշվարկվում են։
Հիշեցնենք՝ Արտակարգ իրավիճակների նախարարությունը հայտնել էր, որ Արարատի մարզում գտնվող Խոսրովի անտառ պետական արգելոցում հրդեհ է բռնկվել և տեղում աշխատում են 40 հրշեջ-փրկարարներ, տեղազննման համար օդ է բաձրացվել անօդաչու թռչող սարք, դեպքի վայր է մեկնել ուղղաթիռ։ Հրդեհը բռնկվել է արգելոցի «Քյոսոս» կոչվող հատվածում։