ԵՐԵՎԱՆ, 17 հունիսի – Sputnik. «Բարգավաճ Հայաստան» կուսակցության Սահմանադրական դատարան դիմելուն Ազգային ժողովի փոխնախագահ Ալեն Սիմոնյանը լավ է վերաբերում։ Նա նման կարծիք հայտնեց ԱԺ–ում լրագրողների հետ զրույցում` անդրադառնալով ԲՀԿ–ի` արտակարգ դրության ժամանակ հավաքներ անցկացնելու հարցի իրավաչափությունը ՍԴ–ում վիճարկելու հանգամանքին։
«Այդ ՍԴ–ի հետ ԲՀԿ–ն խոսել է այն մասին, որ մեծ հաշվով համաձայն են, որ խնդիրներ կան այնտեղ։ Իսկ հիմա որոշել են դիմել ՍԴ նախագահ Հրայր Թովմասյանին, որպեսզի նա լուծում տա։ Սակայն ես վստահ չեմ, որ ՍԴ–ի հետ կապված հարցը մինչ այդ մենք լուծում տված չենք լինի, ու այս նույն կազմը կքննի ԲՀԿ–ի դիմումը»,–ասաց Սիմոնյանը։
Անդրադառնալով ԲՀԿ–ի` կորոնավիրուսի բուժմանն առնչվող իշխանության քայլերի հարցով քննիչ հանձնաժողով ստեղծելու ցանկությանը` Սիմոնյանը նշեց, որ միգուցե որոշ ճշտելու հարցեր կան։ Օրինակ` ինչո՞ւ են պատգամավորներն առանց դիմակ, ինչո՞ւ էին ասում, որ դիմակ կրել պետք չի և այլն։
Հիշեցնենք, որ ԲՀԿ–ական պատգամավոր Իվետա Տոնոյանն էր հայտնել, որ ԲՀԿ–ն երկու նախաձեռնությամբ հանդես կգա` քննիչ հանձնաժողով ստեղծելու, ինչպես նաև ՍԴ դիմելու առնչությամբ։
ԲՀԿ–ն բոյկոտեց ԱԺ նիստը. պատգամավորները լքեցին դահլիճը
ԱԺ–ն երեկ որոշեց Ծառուկյանին անձեռնմխելիությունից զրկել ու թույլատրել նրա նկատմամբ քրեական հետապնդում իրականացնել։ ԱԱԾ-ն հունիսի 14-ի վաղ առավոտից խուզարկություն էր իրականացրել ԲՀԿ առաջնորդ, պատգամավոր Գագիկ Ծառուկյանի Առինջի առանձնատանը:Նրա դեմ այդ նույն օրը երեք քրգործ էր հարուցվել, իսկ երեկ հայտնի դարձավ ևս մեկ քրգործի մասին։