ԵՐԵՎԱՆ, 17 հունիսի – Sputnik. ԲՀԿ առաջնորդ Գագիկ Ծառուկյանի որդին՝ Նվեր Ծառուկյանը, սպանության գործով վկա է։ Տեղեկությունը Sputnik Արմենիային հայտնեցին Քննչական կոմիտեի մամուլի ծառայությունից։
Մեր տեղեկություններով` Ծառուկյանն Աբովյանի «Պարտեզ» ռեստորանի բակում տեղի ունեցած սպանության գործով է վկա։
Ավելի վաղ ԲՀԿ-ական պատգամավոր Իվետա Տոնոյանը լրագրողների հետ զրույցում ասել էր՝ տեղյակ է, որ Նվեր Ծառուկյանը քրեական ուրիշ գործի շրջանակներում հարցաքննության ծանուցում է ստացել:
«Գագիկ Ծառուկյանին հրավիրում են հարցաքննության և րոպեներ անց նրա որդուն են այլ քրեական գործի շրջանակներում հրավիրում հարցաքննության»,-ասել էր նա` նշելով, որ գործի մանրամասներին չի տիրապետում:
Իվետա Տոնոյանը նաև նշել էր, որ Նվեր Ծառուկյանը գտնվում է ՀՀ-ում։
ԲՀԿ–ն Սահմանադրական դատարան կդիմի. Իվետա Տոնոյան
Հիշեցնենք, 2019 թվականի հունվարի 29-ին, ժամը 01:30-ի սահմանում ԱԺ նախկին պատգամավոր, «Շշի Մելո» մականվամբ Մելիք Մանուկյանին պատկանող «Պարտեզ» ռեստորանային համալիրում զինված միջադեպի հետևանքով վնասվածք էր ստացել 8 անձ , որոնցից մեկը՝ Աբովյան քաղաքի բնակիչ Արտաշես Գևորգյանը՝ ծնված 1989թ., ստացած մարմնական վնասվածքների հետևանքով մահացել էր։