ԵՐԵՎԱՆ, 15 հունիսի — Sputnik.ՀՀ առողջապահության նախարարությունը տեղեկացնում է, որ կորոնավիրուսով վարակված անձանցից 16-ը մահացել են։
«Մահվան դեպքերի վերաբերյալ հայտնում ենք, որ պացիենտները եղել են 78 (տղամարդ), 61 (կին), 82 (տղամարդ), 56 (կին), 73 (տղամարդ), 60 (կին), 83 (տղամարդ), 73 (կին), 57 (տղամարդ), 42 (կին), 56 (կին), 71 (տղամարդ), 72 (տղամարդ), 88 (կին), 83 (տղամարդ) և 41 (կին) տարեկան: Բոլորն ունեցել են ուղեկցող քրոնիկական հիվանդություններ»,ժ– նշված է հաղորդագրության մեջ։
Նախորդ օրն արձանագրվել է մահվան 3 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 94 է:
Նշենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 397-ով և հասել 17 064–ի։ Այս պահին փաստացի բուժում է ստանում 10,409 (+316) մարդ, կատարվել է 83.600 (+1276) թեստավորում, առողջացել են վարակվածներից 6.276 (+62)-ը։ Գրանցվել է մահվան 285 (+16) դեպք։
Հիշեցնենք` մարտի 16–ից Հայաստանում արտակարգ դրություն է, որը կառավարության որոշմամբ երեք անգամ երկարացվել է և կտևի մինչև հուլիսի 13–ը` ժամը 17։00–ը ներառյալ։
Կորոնավիրուսով վարակվածների թիվն աշխարհում մոտենում է 8 միլիոնին․ նոր տվյալներ