ԵՐԵՎԱՆ, 15 հունիսի – Sputnik. Հայաստանի իրավասու մարմինները Ռուսաստանի Գլխավոր դատախազության պահանջով արտահանձնել են Ռոլանդի Ազովին, որը մեղադրվում է խոշոր խարդախության մեջ։ Տեղեկությունը հայտնում է RT-ն` հղում անելով դատախազության մամուլի ծառայությանը։
Ազովը մեղադրվում է ՌԴ Քրեական օրենսգրքի 159 հոդվածի 3–րդ մասով։
Քննության վարկածով՝ Ռոլանդի Ազովը Դոնի Ռոստովում 766 հազար ռուբլի է ստացել ծանոթից` Հունաստանից Ռուսաստան սննդամթերք մատակարարելու համար, հետո անհետացել է։
2019 թվականի նոյեմբերին պարզվել է, որ նա Հայաստանի տարածքում է։ Դրանից հետո Ռուսաստանի դատախազությունը հայ գործընկերներին նրան հանձնելու հարցում է ուղարկել։ 2019 թվականի դեկտեմբերին հարցումը բավարարվել է։
Նշվում է, որ արտահանձնումն իրականացվել է հակահամաճարակային բոլոր կանոնների պահպանմամբ։
«Փրկագին» սեփական պետհամարանիշի համար. Հայաստանում գողության նոր տեսակ է «բարգավաճում»