ԵՐԵՎԱՆ, 14 հունիսի – Sputnik. Աշխարհոմ կորոնավիրուսով վարակման հաստատված դեպքերի թիվը հասել է 7, 8 միլիոնի։ Տեղեկությունը հայտնում է համաշխարհային վիճակագրության Worldometer կայքը։
Հունիսի 14-ի դրությամբ` COVID-19 հայտնաբերվել է 7 872 684 մարդու մոտ, մահվան ելքերի թիվը 432 475է։ Վարակի տարածման ցուցանիշներով առաջատար են մնում ԱՄՆ-ն, Բրազիլիան և Ռուսաստանը:
Միացյալ Նահանգներում կորոնավիրուս է ախտորոշվել 2 142 224 մարդու մոտ, մահացել է 117 527-ը։
Բրազիլիայում 850 796 վարակված կա՝ 42 791 մահվան ելքով, Ռուսաստանում COVID-19 հաստատվել է 520 129 մարդու մոտ, մահացել են 6 829-ը։
Տասնյակում են նաև Հնդկաստանը, Մեծ Բրիտանիան, Իսպանիան, Իտալիան, Պերուն, Գերմանիան, Իրանը։
Արսեն Թորոսյանը գտել է անպատասխանատու քաղաքացիներին «պատժելու» ձևը
Հայաստանը 51-րդ տեղում է, վարակվածների թիվը հասել է 16 004-ի։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը բոլոր պետություններին կոչ է արել միանալ վարակի դեմ ակտիվ պայքարին։
Հայաստանում կորոնավիրուսից հինգ մահացածներից երեքը կանայք են