ԵՐԵՎԱՆ, 13 հունիսի – Sputnik. Երևանի նախկին «Պրագա» հյուրանոցի շենքի 3-րդ հարկի բնակարանում հրդեհ է բռնկվել։ Տեղեկությունը հայտնում են ՀՀ արտակարգ իրավիճակների նախարարությունը։
Ճգնաժամային կառավարման ազգային կենտրոնը հրդեհի մասին ահազանգը ստացել է ժամը 12:44-ին:
«Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ութ մարտական հաշվարկ, երկու ավտոսանդուղք, հատուկ փրկարարական աշխատանքների կազմակերպման բաժնի արձագանքման խումբը և հոգեբանական աջակցության բաժնի հրահանգիչը»,- նշված է հաղորդագրության մեջ:
Շենգավիթի կրակոցների հետքերով. սպանության մեջ կասկածվող տղամարդուն կալանավորել են
Հրդեհը մեկուսացվել է ժամը 17։56-ին։ Դեպքի վայրում է գտնվել նաև ԱԻ նախարար Ֆելիքս Ցոլակյանը։