ԵՐԵՎԱՆ, 12 հունիսի – Sputnik․ Մեծ Բրիտանիայի ֆինանսական գերատեսչությունը դիտարկում է հարուստ քաղաքացիներից գանձվող հարկերը բարձրացնելու հնարավորությունը՝ կորոնավիրուսի տարածման դեմ ավելի ընդգրկուն պայքար ծավալելու համար։ Այդ մասին հայտնում է Reuters-ը՝ հղում անելով բանկային ոլորտում իր աղբյուրներին։
Աղբյուրը նշում է, որ տվյալ հարցը քննարկվում է խոշորագույն մասնավոր բանկերի և ակտիվները կառավարող ընկերությունների հետ։
Միաժամանակ դիտարկվում է Մեծ Բրիտանիայի ունևոր քաղաքացիների` աջակցության պետական փաթեթներին մասնակցելու հնարավորությունը (կորոնավիրուսի տարածման իրավիճակով պայմանավորված)։
Փորձագետների կարծիքով՝ Բրիտանիայի կառավարությունը կարող է բարձրացնել խնայողությունների հարկը, կապիտալի աճի հարկը, ԱԱՀ-ն կամ ունեցվածքի հարկը։
Կորոնավիրուսով վարակվածների թիվն աշխարհում շարունակում է աճել. նոր տվյալներ