ԵՐԵՎԱՆ, 11 հունիսի – Sputnik. Մինչև 2020թ․-ի ավարտը ԱՄՆ-ում կարող է պատրաստ լինել կորոնավիրուսի դեմ երեք պատվաստանյութ, հայտնում է CNN-ը։
Նշվում է, որ երեք պատվաստանյութերն էլ պետք է անցնեն փորձարկումների ավարտական փուլը, որը ենթադրում է զանգվածային թեստավորում։ Պետք կլինի պատվաստել ամենաքիչը 30 հազար մարդու։
Moderna-ի փորձարկումները կսկսվեն հուլիսին, Օքսֆորդի համալսարանի AstraZeneca կոչվող պատվաստանյութի փորձարկումը՝ օգոստոսին։ Երրորդը՝ Johnson & Johnson ընկերության պատվաստանյութը, կսկսեն փորձարկել սեպտեմբերին։
Կլինիկական հետազոտությունները կիրականացվեն ավելի քան 50 օբյեկտներում՝ ոչ միայն ԱՄՆ-ում, այլ նաև ամբողջ աշխարհում։
Դեռ պետք չէ թուլանալ․ Ռոսպոտրեբնադզորի պարզաբանումները պատվաստանյութերի վերաբերյալ