ԵՐԵՎԱՆ, 10 հունիսի - Sputnik. Արմավիրի մարզում մինչ օրս կորոնավիրուսի 814 դեպք է գրանցվել, վարակվածների կեսն արդեն առողջացել է, 21 մարդ մահացել է։ Շուրջ 1000-ը մեկուսացված է։ Այս մասին այսօր ԱԺ-ում լրագրողների հետ զրույցում ասաց Արմավիրի մարզպետ Համբարձում Մաթևոսյանը։
«Մարզում կորոնավիրուսի տարածման աճ կա, այն կայուն է, բայց, մյուս կողմից էլ՝ առանձնացված համայքներ չունենք, որ տարածման օջախ են»,- նշեց նա։
Փոխարենը՝ կան համայնքներ, որտեղ վիրուսը բավական արագ է տարածվում։ Դրանք, ըստ մարզպետի, Տանձուտ ու Փարաքար գյուղերն են, որտեղ մի քանի տասնյակ վարակակիր կա։
Մարզպետը չբացառեց, որ առաջիկայում այդ գյուղերում մուտքի և ելքի սահմանափակումներ կկիրառվեն։
Պապիկյանի երկու տեղակալները վարակվել են կորոնավիրուսով
Մաթևոսյանի խոսքով՝ Արմավիրի մարզում կատարվում է թեստավորում, պոլիկլինիկաները հսկում են թեթև դեպքերը, իսկ ծանրերը՝ բուժվում են մայրաքաղաքում։ Ըստ մարզպետի՝ քննարկվում է նաև անհրաժեշտության դեպքում մարզային մի քանի հիվանդանոցներ՝ Մեծամորի ինֆեկցիոն, Արմավիրի և Վաղարշապատի ԲԿ-ները վերապրոֆիլավորելու հնարավորությունը։
«Շտապօգնության» ավելի քան 500 աշխատակից պարգևավճար է ստացել. Ստեփանյանը՝ ԲՀԿ պատգամավորին
Հիշեցնենք՝ հունիսի 10-ի դրությամբ Հայաստանում կորոնավիրուսով վարակվածների թիվը հասել է 14103-ի։ Նախորդ մեկ օրում 428 նոր դեպք է գրանցվել։ Բուժվածների թիվը 5226 է, բուժում ստացողներինը՝ 8573։ Ընդհանուր առմամբ կատարվել է 73156 թեստավորում։