ԵՐԵՎԱՆ, 9 հունիսի – Sputnik. Երգիծաբան Միխայիլ Գալուստյանը տաղավար է եկել «Միշան միշտ իրավացի է» գրությամբ շապիկով, ու Super Ժորիկի «Ոսկե» հիթով, որը նա անվանել է Սոչիի օրհներգ։
Ուրգանտը գնահատել է շապիկի գրությունն ու կատակով շնորհակալություն հայտնել երգիծաբանին, որ նա աջակցում է վարչապետ Միխայիլ Միշուստինին։
Գալուստյանն ասել է, որ կշարունակի նկարահանել «Миша портит всё» շոուն, որը նա բնութագրել է ժամանցային ճանաչողական։ Երգիծաբանը հայտնել է նաև, որ նկարահանվելու է հայտնի ռեժիսորի լիամետրաժ պատմական կատակերգությունում, սակայն այլ մանրամասներ չի նշել։
«Ի դեպ, այս տարի գիրք եմ գրելու։ Քառասուն տարեկան եմ, գիրք գրելու ժամանակն է․ ինքնակենսագրություն․ հաջողության պատմություն։ Հիմա այդ թեմաները մեծ պահանջարկ են վայելում, պատմե՞մ»,- հարցրել է երգիծաբանը։
«Ես հայ եմ։ Ես 3000 տարեկան եմ»․ ռուսաստանցի աստղերը տեսանյութ են տարածել
Գալուստյանը խոստովանել է, որ ուզում է նկարահանվել մի ֆիլմում, որտեղ գլխավոր հերոսը Ալցհայմերի հիվանդություն ունի, ուրախ է, ոչինչ չի հիշում ու զվարճալի բաներ է անում, իսկ շրջապատի մարդիկ տխրում են, քանի որ գիտակցում են իրավիճակի լրջությունը։ Երգիծաբանը հույս ունի, որ որևէ մեկը կգրի իր երազած ֆիլմի սցենարն ու ֆիլմը կնկարահանվի։
Հիշեցնենք, որ Գալուստյանը հայտնի է դարձել ՈՒՀԱ-ում խաղալու ընթացքում, որտեղ ներկայացնում էր "Утомленные солнцем"(«Արևից հոգնածները») թիմը։
Միշա Գալուստյանը սափրել է դեմքը և մարտահրավեր նետել հայտնիներին
Միխայիլը նկարահանվել է բազմաթիվ ֆիլմերում՝ «Թեթևաբարո տատիկը», «Ուժեղ բնավորությամբ նվերը» և այլն։
Գալուստյանի ունեցվածքը, ըստ Forbes ամսագրի՝ կազմում է տարեկան 2,2 միլիոն դոլար։