ԵՐԵՎԱՆ, 8 հունիսի – Sputnik. ՀՀ նախագահ Արմեն Սարգսյանը երեք հրամանագիր է ստորագրել, որոնցով պաշտոնից ազատել է ԱԱԾ ղեկավար Էդուարդ Մարտիրոսյանին, Ոստիկանության պետ Արման Սարգսյանին և Գլխավոր շտաբի պետ Արտակ Դավթյանին։
ՀՀ նախագահը հրամանագրերը ստորագրելիս հիմք է ընդունել Նիկոլ Փաշինյանի առաջարկությունները։
Նա ստորագրել է նաև նշված կառույցների նոր ղեկավարների նշանակման հրամանագրերը։
ԱԱԾ ղեկավար է նշանակվել Արգիշտի Քյարամյանը, Ոստիկանության պետ` Վահե Ղազարյանը, իսկ ԶՈւ պետ` Օնիկ Գասպարյանը։
Ավելի վաղ նշանակումների մասին հայտնել էր նաև Փաշինյանը։