ԵՐԵՎԱՆ, 5 հունիսի — Sputnik. ՌԴ ԱԳՆ պաշտոնական ներկայացուցիչ Մարիա Զախարովան կոչ է արել վերհիշել տարածաշրջանում Վաշինգտոնի քաղաքականության հետևանքները, մեկնաբանելով Մերձավոր Արևելքում ԱՄՆ Պետքարտուղարի օգնական Դևիդ Շենկերի այն հայտարարությունը, թե Ռուսաստանը պետք է «հեռանա Մերձավոր Արևելքից»։
Ավելի վաղ Շենկերը Վաշինգտոնում Մերձավոր Արևելքի ինստիտուտում կայացած տեսահամաաժողովի ընթացքում ասել էր, որ Ռուսաստանն իբր թե «ապակառուցողական դերակատարություն» ունի տարածաշրջանում, այդ պատճառով պետք է «հեռանա» այնտեղից։ Նա վստահ է, որ Ռուսաստանը փոխել է Սիրիայում պատերազմի ընթացքը, սակայն երկրում նախկինի պես գործում է Սիրիայի նախագահ Բաշար Ասադի ռեժիմը։
«Կուզենայի ճշտել՝ Մերձավոր Արևելքում վերջին երկու տասնամյակների ընթացքում իրագործած ամերիկյան ո՞ր նախագիծն է Շենկերը հաջողված համարում։ Չենք կարող հիշել։ Միայն մահ ու ավերածություններ», - ասել է Զախարովան ՌԻԱ Նովոստիի հետ զրույցում։
«Շատ անձնական է»․ Զախարովային ամաչեցրել է Հայաստանից հնչած հարցը
Թեև, Զախարովայի խոսքով, հնարավոր է՝ Շենկերը հենց այդպես է տեսնում «հաջողված» նախագծի ավարտը։
Հիշեցնենք՝ 2015 թվականից Ռուսաստանը պաշտոնական Դամասկոսի խնդրանքով ռազմական օգնություն է ցուցաբերում Սիրիային ահաբեկչության դեմ պայքարի ու երկիրը վերականգնելու հարցում։ Մինչդեռ Միացյալ նահանգների զորքերը առանց երկրի պաշտոնական իշխանության թույլտվության են այնտեղ գտնվում։
Զախարովան մեկնաբանել է ռուս մասնագետների մուտքի հնարավորությունը ՀՀ կենսալաբորատորիաներ