ԵՐԵՎԱՆ, 3 հունիսի - Sputnik. Գյումրիում մի խումբ թափառող շների կողմից տան բակում հարձակման ենթարկված 2.5 տարեկան երեխայի առողջության մեջ դրական դինամիկա կա: Նա վերակենդանացման բաժանմունքից դուրս է գրվել, տեղափոխվել է դիմածնոտային բաժանմունք: Վիճակը գնահատվում է կայուն, կյանքին վտանգ չի սպառնում: Տեղեկությունը Facebook-ի իր էջում հայտնել է «Սուրբ Աստվածամայր» ԲԿ-ի մամուլի խոսնակ Գևորգ Դերձյանը։
Գյումրիում թափառող շների հարձակումից տուժած երեխայի առողջության մեջ դրական դինամիկա կա
Երեխան շարունակում է մնալ բժիշկների խիստ հսկողության տակ:
«Այստեղ երեխան երկրորդ անգամ է վիրահատվել, կատարվել է դիմածնոտային վիրաբուժական լուրջ միջամտություններ»,–գրել է ԲԿ–ի խոսնակը:
Հիշեցնենք` մայիսի 31–ին Գյումրիում թափառող շները հարձակվել էին 2.5 տարեկան երեխայի վրա և բազմաթիվ վնասվածքներ պատճառել նրան։ Երեխան կծած վերքերով տեղափոխվել էր «Գյումրու Մոր ու մանկան ավստրիական հիվանդանոց», որտեղ վիրահատվել էր, այնուհետև շտապ տեղափոխվել Երևան՝ «Սուրբ Աստվածամայր» ԲԿ։ Բժիշկները երեխայի վիճակը գնահատում էին ծանր, բայց կայուն:
Գյումրիում թափառող շները հարձակվել են 2.5 տարեկան երեխայի վրա. նրա վիճակը ծանր է