ԵՐԵՎԱՆ, 3 հունիսի – Sputnik. ՌԴ նախագահ Վլադիմիր Պուտինը չի մասնակցի կորոնավիրուսի դեմ պայքարի թեմայով գագաթնաժողովին, որ ձեռնարկել է Մեծ Բրիտանիան։ Տեղեկությունը լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը, հայտնում է ՌԻԱ Նովոստին։
Ավելի վաղ հայտարարվել էր, որ Մեծ Բրիտանիայի վարչապետ Բորիս Ջոնսոնը Վլադիմիր Պուտինին հրավիրել է մասնակցելու պատվաստումների թեմայով միջազգային առցանց գագաթնաժողովին, որը կայանալու է հունիսի 4-ին։
«Այս պարագայում պետք է դիմեն առողջապահության նախարարությանը՝ մեր մասնագիտացված վարչությանը։ Բարձրագույն մակարդակով մասնակցություն չի նախատեսվում»,-ասել է Պեսկովը։
Առողջապահության համաշխարհային կազմակերպությունը (ԱՀԿ) մարտի 11-ին կորոնավիրուսի բռնկումը հայտարարել է համավարակ։ Կազմակերպությունն աշխարհի բոլոր երկրներին կոչ է արել միանալ համավարակի դեմ պայքարին։
Թվերը շարունակում են աճել. հայտնի են աշխարհում COVID-19–ի տարածման նոր տվյալները