ԵՐԵՎԱՆ, 2 հունիսի — Sputnik. ՀՀ վարչապետ Նիկոլ Փաշինյանի կնոջ` Աննա Հակոբյանի եղբայրը` «Իմ քայլի» պատգամավոր Հրաչյա Հակոբյանը, կորոնավիրուսով վարակված չէ։ Տեղեկությունը հա գրել է Facebook-ի իր էջում։
«Ինչպես գիտեք, երեկ հանձնել եմ նոր կորոնավիրուսի թեստ։ Քիչ առաջ ստացա պատասխանը. բացասական է»,–գրել է նա ու առողջություն մաղթել բոլորին։
Հիշեցնենք, որ երեկ` Փաշինյանի ծննդյան օրը, հայտնի դարձավ, որ Փաշինյանն ու ողջ ընտանիքը վարակվել են կորոնավիրուսով։ Նրանք մեկուսացել են վարչապետի կեցավայրում, և երեկվա դրությամբ որևէ ախտանշաններ չունեին։
Երեկ խորհրդարանում նաև պարզ դարձավ, որ Հրաչյա Հակոբյանը մեկ օր առաջ եղել է Փաշինյանենց տանը։ Չնայած նա հավաստիացրեց, որ պահպանել է անվտանգության բոլոր կանոնները, բայց, անվտանգությունից ելնելով, այսօր թեստ հանձնեց։