ԵՐԵՎԱՆ, 31 մայիսի - Sputnik. Հակակորոնավիրուսային միջոցառումների շրջանակում Երևանի կենտրոնում կատարած մոնիթորինգի ընթացքում Սննդի անվտանգության տեսչական մարմնի (ՍԱՏՄ) աշխատակիցները խախտումեր են հայտնեբերել հանրային սննդի մի շարք հայտնի օբյեկտներում:
Խախտումներ թույլ տված տնտեսավարողների գործունեությունը դադարեցվել է 24 ժամով:
Ինչպես հայտնի է դառնում ՀՀ կառավարության տարածած տեսանյութից, տեսչական մարմնի շրջայցի ընթացում հայտնաբերված խախտումների հետևանքով փակվել են Coffeeshop, KFC, Pizza Hut, «Թումանյան շաուրմա» ընկերություններին պատկանող հանրային սննդի կետերը, «Փարվանա» ռեստորանը:
Իսկ «Գևորգ Ստեփանյան» ԱՁ-ին պատկանող բացօթյա սրճարանում արձանագրվել է կրկնակի խախտման դեպք:
Անվտանգության կանոնների խախտումներ են արձանագրվել գյուղատնտեսական շուկաներում
Հրապարակված տեսանյութում տեսուչի հարցին, թե ինչն է եղել առաջին անգամ սրճարանը փակելու առիթը, սրճարանի աշխատակիցը հայտնում է, որ մատուցողը դիմակը դրած է եղել քթից ներքև:
Նշենք, որ պարետի կողմից սահմանված նորմերի խախտման դեպքերով՝ մայիսի 29-ի դրությամբ 24 ժամով կասեցվել է 1156 կազմակերպության գործունեություն։
Հանրային սննդի ու առևտրի վայրերում մշտադիտարկումները շարունակվում են: