ԵՐԵՎԱՆ, 31 մայիսի - Sputnik. ԱՄՆ-ում ոստիկանի կողմից աֆրոամերիկացի քաղաքացու սպանության հետևանքով առաջացած բողոքի ալիքը տարածվել է երկրով մեկ: ԱՄՆ-ի 15 քաղաքներում բողոքի ակցիաներ են անցկացվել, որոնց մասնակիցների նկատմամբ ոստիկանությունն արցունքաբեր գազ, ռետինե գնդակներ ու այլ միջոցներ է կիրառել:
Սոցիալական ցանցերում ամերիկացի օգտատերերը այդ իրադարձությունների վրաբերյալ գրառումներ ու տեսանյութեր են հրապարակում:
Ատլանտայում բողոքի ակցիայի մասնակիցները գրոհել են CNN-ի խմբագրության վրա՝ ճանապարհին հրդեհելով ոստիկանական ավտոմեքենաներն, ու կոտրել խմբագրության շենքի պատուհանները:
ԱՄՆ մայրաքաղաք Վաշինգտոնում էլ բողոքի ակցիայի մասնակիցները շարժվել են դեպի Սպիտակ տուն՝ ճանապարհին պետական կառույցների շենքերի վրա ներկով վիրավորաան արտահայտույւններ գրելով նախագահ Թրամփի հասցեին: Ակցիայի մասնակիցները շենքերի վրա նաև գրել են «Չեմ կարողանում շնչել»:
Ոստիկանի կողմից կիրառված խեղդող հնարքի հետևանքով Մինիապոլիսում սպանված աֆրոամերիկացու վերջին խոսքերը դարձել են ամերիկյան բողոքի ակցիաների հիմնական կարգախոսը:
Հիշեցնենք՝ մայիսի 25-ին Մինեապոլիսում աֆրոամերիկացի 46-ամյա Ջորջ Ֆլոյդի նկատմամբ ոստիկանության երկու ծառայողներ բռնություն էին կիրառել: Նրանցից մեկը ծնկով սեղմել էր գետնին պառկած Ֆլոյդին ու մի քանի րոպե պահել այդ դիրքում, չնայած որ քաղաքացին ասում էր, որ չի կարողանում շնչել ու թախանձագին խնդրում էր բաց թողնել իրեն։
Ոստիկաններն անտեսել էին ոչ միայն իրենց զոհի, այլև հավաքվածների զգուշացումները, որ դադարեցնեն քաղաքացու նկատմամբ բռնությունը:
Իսկ երբ Ֆլոյդը կորցրել է գիտակցությունը, նրան տեղափոխել են հիվանդանոց, որտեղ էլ բժիշկներն արձանագրել են նա մահը:
Դերեկ Շովինը նախ հեռացվել էր ոստիկանության համակարգից, ապա ձերբակալվել:
Աշխատանքից հեռացվել են նաև միջադեպին մասնակցած ևս երեք ոստիկան: