ԵՐԵՎԱՆ, 29 մայիսի – Sputnik. Հայկական արմատներով հայտնի սուսերամարտիկ Յանա Եգորյանը Instagram-ի իր էջում կարճ տեսանյութ է հրապարակել, որը շատ է հետաքրքրել նրա երկրպագուներին։
Բանն այն է, որ տեսանյութի կադրերում Յանան հարսանեկան զգեստով է, ու պետք է նշել, որ շատ երջանիկ տեսք ունի։
Բայց նրա բազմաթիվ հետևորդները շփոթված են և չգիտեն՝ ինչպես արձագանքեն հրապարակմանը։ Բոլորին հետաքրում է` Յանան իրո՞ք պատրաստվում է ամուսնանալ։ Եվ եթե այո, ապա ում հետ։ Շատերը հիշատակում են ոմն Մագայի․․․ «Չհասկացա, ի՞նչ է կատարվում», «Լո՞ւրջ», «Իսկ Մագայի հետ վե՞րջ», «Փեսացուն որտե՞ղ է», «Բեմադրած է։ Բոլորիս խաբում է, վստահ եմ», «Երևի նոր տեսահոլովակ է», «Իսկ Մագան տեղյա՞կ է», «Ինձ սրանով չեք խաբի»։
Չնայած բուռն մեկնաբանությունների առատությանը, Յանան ինքը առայժմ որևէ պարզաբանում չի տվել։ Մինչդեռ նրա հետևորդներից երկուսը փորձել են պարզել իրավիճակը։
«Ծի՜կ». Յանա Եգորյանը «թաքնվել» է Հայաստանի ու Ռուսաստանի դրոշների արանքում. լուսանկարներ
Նրանցից մեկը գրել է, որ անձամբ է Յանային հարցրել ամուսնության մասին, ու նա պատասխանել է․ «Օլիմպիադայից հետո»։ Մյուսը տեղյակ է հայկական ավանդույթներից և նկատել է․ «Չէ հա, հայերը մայիսին չեն ամուսնանում»։
Տեսանյութը մոտակա պսակադրության ակնարկ է, թե պարզապես ևս մի խայծ՝ ժամանակը ցույց կտա։
«Մի ամաչեք». սուսերամարտիկ Յանա Եգորյանն իր երգելով դյութել է երկրպագուներին. տեսանյութ