ԵՐԵՎԱՆ, 23 մայիսի - Sputnik. Արդեն մեկնարկել է Կրասնոդար - Երևան չարտերային թռիչքը։ Ռուսաստանում Հայաստանի դեսպանությունը Facebook-ի պաշտոնական էջում հայտնում է, որ քիչ առաջ Կրասնոդար քաղաքի միջազգային օդանավակայանից «Ազիմուտ» ավիաընկերության օդանավն ուղղություն է վերցրել դեպի Երևան։
«Նշյալ չվերթով անվճար Հայաստան է վերադառնում 104 ՀՀ քաղաքացի, նրանցից 29-ը՝ մանկահասակ երեխաներ»,- նշված է հաղորդագրության մեջ։
Դեսպանությունը տեղեկացնում է, որ Հայաստան վերադարձի առաջնահերթություն է տրվել նախապես ցուցակագրված՝ մանկահասակ երեխաներ ունեցող ՀՀ քաղաքացիներին, հաշմանդամություն ունեցող մեր հայրենակիցներին, բուժման ցուցումով Հայաստան վերադարձողներին և զինակոչիկներին։
Հիշեցնենք՝ վերջին ամիսների ընթացքում Ռուսաստանի տարբեր քաղաքներից դեպի Հայաստան, այսպես կոչված, ՀՀ քաղաքացիների տարհանման հատուկ չվերթեր են իրականացվել, մասնավորապես՝ Մոսկվայից, Սանկտ Պետերբուրգից, Կրասնոդարից, Սոչիից, Վորոնեժից, Դոնի Ռոստովից։
Պարետի նոր որոշմամբ՝ Հայաստան վերադարձող քաղաքացիներն այլևս չեն մեկուսացվի հյուրանոցներում. նրանց համար ինքնամեկուսացման պահանջ է ներկայացվում։
Մինսկից և Մոսկվայից վերադարձող ՀՀ քաղաքացիները պետք է ինքնամեկուսանան