ԵՐԵՎԱՆ, 23 մայիսի – Sputnik․ Աշխարհում կորոնավիրուսով վարակման հայտնաբերված դեպքերի ընդհանուր թիվը հասել է 5,3 միլիոնի, զոհերի թիվը գերազանցում է 340 հազարը։ Տեղեկությունը հրապարակել է համաշխարհային վիճակագրության Worldometer կայքը։
Նշվում է, որ աշխարհում COVID-19 է ախտորոշվել 5 306 235 մարդու մոտ։ Մահացել են 340 047 վարակակիր։
Վիրուսի տարածման ցուցանիշով առաջին հորիզոնականը զբաղեցնում է Միացյալ Նահանգները։ Այստեղ վարակման հաստատված դեպքերի ընդհանուր թիվը կազմում է 1 645 094։ Մահացել է 97 647 մարդ։
Երկրորդ տեղում հայտվել է Բրազիլիան։ Հայտնաբերված վարակակիրների թիվը՝ 332 382, մահվան ելքեր՝ 21 116։
Երրորդ տեղում Ռուսաստանն է։ Աղբյուրի համաձայն՝ այս երկրում կորոնավիրուս է հայտնաբերվել 326 448 մարդու մոտ։ Մահացել է 3 249 վարակված։
Լուռ երկխոսություն վերակենդանացման բաժնում․ COVID-19-ով վարակված հայուհու պատմությունը
«Հակավարկանիշի» առաջին տասնյակում են նաև Իսպանիան, Մեծ Բրիտանիան, Իտալիան, Ֆրանսիան, Գերմանիան, Թուրքիան և Իրանը։
Չինաստանը, որտեղ առաջին անգամ գրանցվել է նոր տիպի կորոնավիրուսի բռնկումը, հիմա 13-րդ տեղում է։ Այս երկրում հաստատված է կորոնավիրուսով վարակման 82 971 դեպք։ Համավարակի զոհ է դարձել 4 634 մարդ։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը բոլոր պետություններին կոչ է արել միանալ վարակի դեմ ակտիվ պայքարին։
«COVID 19–ի պատասխանը». առողջապահության ասամբլեան պահանջում է հետաքննել ԱՀԿ աշխատանքը