ԵՐԵՎԱՆ, 22 մայիսի – Sputnk. «Հարավկովկասյան երկաթուղի» ընկերության մամուլի քարտուղար Ռուբեն Գրձելյանը Facebook սոցիալական ցանցի իր էջում տեսանյութ է հրապարակել և արտահայտել իր վրդովմունքը երկաթգծերի նկատմամբ քաղաքացիների անլուրջ վերաբերմունքի մասին։ Հրապարակված տեսանյութում երևում է, թե ինչպես է ԳԱԶ մակնիշի բեռնատարը հայտնվել երկաթգծի վրա, որի վրա եղել է հորատող սարք և ոչ մի կերպ չի կարողանում գծից դուրս գալ և ճանապարհ տալ գնացքի մեքենավարին։
Դժբախտ պատահար Մասիս-Երևան ճանապարհին. 40-ամյա կինն ընկել է գնացքի տակ
«Քանաքեռ, մեր օրեր: Նստած նյութ եմ գրում երկաթգծերի նկատմամբ քաղաքացիների անլուրջ վերաբերմունքի մասին, ու սենց տեսանյութ է գալիս մեր մեքենավարներից՝ գնացքը կանգնեցրել ու սպասում է, թե սրա գծերից դուրս գալու ջանքերը երբ են երջանիկ ավարտ ունենալու»,- գրել է Գրձելյանը։
Տեսանյութը զայրացրել է օգտատերերին։ Բոլորը սկսել են մեղադրել անպատասխանատու վարորդին։
Շորժա-Ծովագյուղ հատվածում ոչխարների հոտը հայտնվել է գնացքի ռելսերի վրա. տեսանյութ