ԵՐԵՎԱՆ, 21 մայիսի – Sputnik․ ՀՀ վարչապետ Նիկոլ Փաշինյանը Facebook–ի իր էջում տեղադրել է Արցախի նորընտիր նախագահ Արայիկ Հարությունյանի մեքենայի լուսանկարը։
«Արցախի նորընտիր նախագահ Արայիկ Հարությունյանը այս էլեկտրոմոբիլով է աշխատանքի գնալու»,–լուսանկարին կից գրել է Փաշինյանը։
Հիշեցնենք` դեռևս 2019թ.–ի սեպտեմբերին էր Արայիկ Հարությունյանն ասել, որ Ստեփանակերտում երթևեկում է էլեկտրամոբիլով, որը լիցքավորում է տնային վարդակից։
«Ապագայում ծրագիր կա Արցախում հրաժարվել դիզելային վառելիքից և գազից։ Մի հետաքրքրիր բան ձեզ ասեմ` ես 2013 թվականի հին էլեկտրամոբիլ եմ գնել, որով երթևեկում եմ Ստեփանակերտում ու լիցքավորում մեր տան վարդակից։ Մի ամբողջ օր քշում եմ»,–«Հայաստանի և Արցախի տնտեսական մոդելների նմանությունները և տարբերությունները» թեմայով քննարկման ժամանակ ասել էր նա։
Արցախի նախագահի հավանական թեկնածուն էլեկտրամոբիլով է շրջում Ստեփանակերտում
Հիշեցնենք նաև, որ այսօր` մայիսի 21–ին, ժամը 18։00-ին Շուշիում տեղի կունենա Արցախի նորընտիր նախագահ Արայիկ Հարությունյանի երդմնակալության արարողությունը, որին կմասնակցի նաև ՀՀ վարչապետ Նիկոլ Փաշինյանը։
Փաշինյանն Արցախ կմեկնի Արայիկ Հարությունյանի երդմնակալության արարողությանը մասնակցելու