ԵՐԵՎԱՆ, 21 մայիսի –Sputnik. Եթե 2021 թվականին չհաջողվի Տոկիոյում անցկացնել օլիմպիական խաղերը, չի բացառվում, որ դրանք չեղարկվեն։ Այս մասին ասել է Միջազգային օլիմպիական կոմիտեի (ՄՕԿ) ղեկավար Թոմաս Բախը, որի խոսքերն է մեջբերում ՌԻԱ Նովոստին` հղում անելով BBC–ին։
«Ես հասկանում եմ, որ դուք չեք կարող անընդհատ կազմկոմիտե մի քանի հազար մարդ ընդունել։ Չի կարելի ամեն տարի վերանայել ողջ մարզական օրացույցն ամբողջ աշխարհի բոլոր հիմնական ֆեդերացիաներում։ Մարզիկները որոշակիության կարիք ունեն», – ասել է Բախը։
Նա հավելել է, որ օլիմպիադան առանց հանդիսատեսի անցկացնել կազմակերպիչները չեն ցանկանում, քանի որ օլիմպիական ոգին երկրպագուների միասնության մեջ է։ Նրա կարծիքով` հենց դա է խաղերն այդքան բացառիկ դարձնում։
Բախն ավելացրել է, որ պետք վերանայել նաև կրճատումներն ու Խաղերի կազմակերպման և անցկացման ծախսերը, քանի որ համավարակը սովորեցրել է կենտրոնանալ ամենաանհրաժեշտի վրա։
Հիշեցնենք, որ Տոկիայում այս տարի կայանալիք Օլիմպիական խաղերը հետաձգվել էին կորոնավիրուսի համավարակի պատճառով. դրանք պետք է անցկացվեն 2021 թվականի հուլիսի 23-ից օգոստոսի 8-ը։
Հայաստանի միակ տիտղոսակիր եռացատկորդը. Մարտիրոսյանն օլիմպիադայում կանգնեց ուժեղների կողքին
Նոր կորոնավիրուսի բռնկումը տեղի ունեցավ Չինաստանում 2019 թվականի վերջին` տարածվելով աշխարհի շատ երկրներում։ Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։ Աշխարհում կորոնավիրուսի հաստատված 5 մլն դեպք կա, 324 հազարից ավելի մարդ մահացել է։