ԵՐԵՎԱՆ, 21 մայիսի –Sputnik. Մոսկվայի Պեչատնիկի շրջանի Յուժնոպորտովայա փողոցում հնչած կրակոցներին նախորդել է զանգվածային ծեծկռտուքը։ Տեսանյութը Baza պարբերականը հրապարակել է իր Telegram ալիքում։
Տեսանյութում երևում է, թե ինչպես են երկու տղամարդ սկսում միմյանց քաշքշել, այնուհետև կռիվ է սկսվում նրանց միջև, ոմանք փորձում են բաժանել կռվողներին։ Երբ բռունցքներն արդեն չեն օգնում, մասնակիցներից մեկը սկսում է կրակել ատրճանակից։
Պարբերականի տվյալներով` կոնֆլիկտի պատճառը եղել է այն, որ վարորդներն ու վաճառողները չեն կարողացել պայմանավորվել անվադողերի գնի զեղչի շուրջ։