ԵՐԵՎԱՆ, 21 մայիսի — Sputnik. ՄԱԿ-ը գործարկել է «Ստուգված է» COVID-19 կորոնավիրուսի համավարակի վերաբերյալ ապատեղեկատվության տարածման դեմ ուղղված ծրագիրը։ Տեղեկությունը հայտնում է ՌԻԱ Նովոստին՝ հղում անելով կազմակերպության մամուլի ծառայությանը։
«Ապատեղեկատվությունը տարածվում է առցանց, մեսենջերներով, մարդուց մարդուն։ Դրա հեղինակները այն տարածելու միջոցներ են մշակում, որին դիմադրելու համար գիտնականներն ու ՄԱԿ-ի պես կազմակերպությունները պետք է ստույգ ու արժանահավատ տեղեկություն հասցնեն մարդկանց»,- մեջբերում է մամուլի ծառայությունը ՄԱԿ-ի գլխավոր քարտուղար Անտոնիո Գուտերեշի խոսքերը։
«Ստուգված է» նախագիծը երեք թեմայով տեղեկություն է կտարածի՝ գիտություն, համերաշխություն ու լուծումներ։
«Երկրներից շատերում ապատեղեկատվությունը տարածվում է թվային ալիքներով, խանգարում է առողջապահության ոլորտում հարցերի լուծմանն ու անհանգստություն է առաջացնում։ Տագնապային փորձեր են արվում ճգնաժամը ազգայնամոլություն որակելու կամ փոքրամասնություններին ճնշելու նպատակով օգտագործելու համար», - ասել է ՄԱԿ-ի գլխավոր քարտուղարի համաշխարհային կոմունիկացիաների գծով տեղակալ Մելիսա Ֆլեմինգը, որի խոսքերը մեջբերվում են հաղորդագրության մեջ։
Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
Նրա կարծիքով՝ իրավիճակը կարող է խորանալ հասարակությունների վրա բեռնվածության ավելացման, ճգնաժամի տնտեսական ու սոցիալական հետևանքների առաջացման։
Նախաձեռնությունը կոչ է անում ամբողջ աշխարհի մարդկանց գրանցվել ու «տեղեկացված կամավորներ» դառնալ՝ վստահելի տեղեկություն տարածելու ու այդպիսով ապահովել սեփական ընտանիքների ու հասարակությունների անվտանգությունը։
«Ձեր սխալները թանկ նստեցին աշխարհի վրա». Թրամփը վերջնագիր է ներկայացրել ԱՀԿ-ին