ԵՐԵՎԱՆ, 21 մայիսի — Sputnik. Հավաքական անվտանգության պայմանագրի կազմակերպության արտաքին գործերի նախարարների խորհրդի նիստը կկայանա մայիսի 26-ին տեսակապի միջոցով։
Կազմակերպության կայքում նշված է, որ քննարկումը կնախագահի ՌԴ ԱԳ նախարար Սերգեյ Լավրովը։ Նիստին կմասնակցի ՀԱՊԿ գլխավոր քարտուղար Ստանիսլավ Զասը։
Օրակարգում ներառված են տարածաշրջանում և աշխարհում տիրող իրավիճակին ու զարգացումներին, դրանց ՀԱՊԿ անդամ երկրների անվտանգության վրա ունեցած ազդեցությանը, նաև ՀԱՊԿ-ի ԱՊՀ-ի և Շանհայի հետ համագործակցության հեռանկարներին առնչվող հարցեր։
Մասնակիցներն առանձնահատուկ ուշադրություն կդարձնեն ՀԱՊԿ անդամ երկրների փոխներգործությանը միջազգային հարթակներում, Կազմակերպության խաղաղարական ներուժի զարգացմանը, ՀԱՊԿ դիտորդի ու գործընկերոջ ինստիտուտին, նաև ժամանակակից մարտահրավերներին ու անվտանգության սպառնալիքներին համատեղ հակազդելու հարցերին։
Նիստի ժամանակ կընդունվեն մի շարք համատեղ հայտարարություններ, այդ թվում՝ Հայրենական մեծ պատերազմում Հաղթանակի 75-ամյակի կապակցությամբ։
Եթե պետք լինի, ՀԱՊԿ-ը լիովին կօգտագործի իր ռեսուրսները համավարակի դեմ պայքարում․ Զաս
Բացի այդ, արտգործնախարարները կքննարկեն 2020 թվականի երկրորդ կեսի ու 2021 թվականի առաջի կեսի խորհրդատվությունների ծրագրի փաստաթղթերի նախագծերը, նաև Կազմակերպության քարտուղարության քվոտային պաշտոնների հերթական բաշխման մասին հարցեր։
Մայիսի 15-ին լրացավ ՀԱՊԿ-ի 18-ամյակը։ ՀԱՊԿ-ի մեջ են մտնում Հայաստանը, Բելառուսը, Ղազախստանը, Ղրղըզստանը, Ռուսաստանն ու Տաջիկստանը։
ՀԱՊԿ երկրները միասին կկանխեն միջազգային վտանգավոր միտումները. գլխավոր քարտուղար