ԵՐԵՎԱՆ, 20 մայիսի - Sputnik. «Փյունիկ» ֆուտբոլային ակումբի գրասենյակի մենեջեր Գրիգոր Թադևոսյանը Facebook-ի իր էջում հայտնում է, որ անհայտ անձինք գողացել են «Արարատ 73»-ի մի քանի ֆուտբոլիստների արձանները։ Նա կողոպտիչներին հորդորում է վերադարձնել դրանք։
«Նման բան չպետք է լինի մեր երկրում, մենք պետք է սիրենք մեր ֆուտբոլը, հիշենք անցյալը, ստեղծենք նորը և առաջ շարժվենք, այլ ոչ թե գողանանք ու վաճառենք ինչ-որ կոպեկների համար», - ասում է Թադևոսյանը:
Նա պատրաստ է դրամական պարգև տալ նրան, ով կօգնի գտնել արձանները։
Գողերը պոկել ու տարել են Նիկիտա Սիմոնյանի, Ռոբերտ Ծաղիկյանի, Օնիկ Աբրահամյանի, Հարություն Քեհեյանի արձանները:
Արձանախումբը, որը տեղադրվել էր 2016 թվականի հոկտեմբերին, նվիրված է «Արարատ 73»-ի փառահեղ հաղթանակներին: Արձանախմբի հեղինակը Տիգրան Բարսեղյանն է, քանդակագործների թիմի ղեկավարը ՝ Արմեն Սամվելյանը։
Ժամանակին բերկրանք պարգևած «Հրազդանի» կանաչ խոտի փոխարեն հիմա կարմիր կակաչներ են աճում